香港熊貓BB兩姐弟，天天扭打一處「糖黏豆」，結果工作人員近日發現，疑因兩姐弟玩得太忘形，家姐右眼第三眼皮結膜受傷，眼角處紅腫。公園獸醫團隊經過詳細檢查後，確定家姐的眼球無礙，傷口將會自然癒合。據海洋公園發放的視頻顯示，奶媽抱着家姐，獸醫手持發光醫療器械，仔細檢查牠的眼皮狀況，隨後再取出眼藥水治療。公園表示，家組第三眼皮的癒合良好，已毋須再滴眼藥水。團隊會繼續密切留意家姐的恢復情況。雖然目前下眼皮瓣受傷痕跡依然明顯，可能持續存在，但對視力無影響，家姐亦無不適行為，暫時判斷毋須進一步治療。
契爸契媽們在海洋公園大熊貓官方網站獲悉消息，無不痛心，紛紛留言：「Oh ! 心痛家姐啊！細佬曳曳！打pat pat下次唔准咁重手！」、「兩個小朋友都好活潑可愛❤，其實佢哋同我哋細個一樣，都係會成日跌跌碰碰打打鬧鬧！我哋都係咁樣長大嘅！你哋要繼續開開心心打吓鬧吓、快快樂樂咁成長呀！」、「家姐要乖乖滴眼藥水啊。祝早日康復！辛苦Mandy, Matt同飼養及護理團隊 ❤」……
